Argitasun-ezak, bai prozesuetan eta bai komunikazioan, erakunde eta taldeen arazoetako askoretan eragiten du.
Pertsonek osatzen ditugu erakunde eta taldeak, eta pertsona horiek komunikatzeko eta nortasuna eraikitzeko nahiz helburuak lortzeko prozesuaren erdigunean egoteko beharra daukagu.
Geroz eta konplexutasun eta ziurgabetasun handiagoko enpresa-testuinguru batean, inoiz baino beharrezkoagoa da Hizkuntza Bisuala erabiltzea gure zergatia eta egiteko modua azaldu ahal izateko. Hori argitu gabe, ezin izango dugu aurrera egin.
Nik neuk badakit zer den proiektu edo enpresa batekin konektatuta sentitu gabe lan egitea. Talde bat norabide jakin batean mugitzen saiatzea eta ez izatea gai besteek ni ulertzeko edo geldiarazten gaituzten erresistentziak ulertzeko. Oso frustragarria da.
Aldiz, erakundeen balioekin konektatuta lan egin dudanean eta harreman emankorrak izan ditudanean kideekin, proiektu garrantzitsu baten parte sentitu naiz, eta nire bertsiorik onena erakutsi ahal izan dut. Beraz, taldeen energia helburu zehatzetara bideratzeko modua ulertzea izan da nire obsesioa Deustuko Unibertsitatean Ekonomia eta Enpresa Zientziak ikasi nituenetik.
Izan ere, erakundeen indarraren oinarrian daude taldeen arteko kalitateko interakzioak eta kideek lortu nahi duten etorkizunaren ikuspegia partekatu ahal izatea.
Hori egiaztatu ahal izan dut nire lan ibilbide osoan zehar, mota guztietako erakundeei laguntzen, baina, bereziki, nazioarteko lankidetzan eman nituen hamabi urteetan, kultura eta balio oso desberdinak zituzten taldeak koordinatzen konplexutasun handiko egoeratan.
Orduan jabetu nintzen ikusmenezko hizkeraren gaitasunaz espazioa eta taldea zaintzeko, pertsonak konektatzeko, helmugarantz mugitzeko eta nolabait hunkitzeko,lanarekin sortu nahi zuten eragin positiboa ikusi ondoren, eguneroko oztopo eta arazoetatik harago.
Mantra horri jarraitzen diot nire bizitzan, eta, noski, baita nire aholkulari-lanean ere.
Horregatik, agian jakingo duzu Muxote ere sortu nuela; pertsonaia horrek frogatzen du ikusmenezko hizkera baliagarria dela hamarnaka mila pertsonari laguntzeko eguneroko bizitzan, eta, horrez gain, indarra, optimismoa, inperfekzioaren edertasuna eta aurrera egiteko gogoa transmititzeko.
Proiektu honetan ez nago bakarrik. Pertsona zoragarri hauek nire alboan ditut:
Iratxe Fernández
Barakaldon jaio nintzen, eta Universidad Politécnica de Valencia unibertsitatean Arte Ederrak ikasi nituen, pintura eta diseinu grafikoaren espezialitatean. Bilbora itzuli nintzen Ikerketa eta Sormena Artean Masterra egitera, eta hemen gelditu nintzen.
Muxote Potolo Bat-eko taldera sartu nintzen 2012an, eta, geroztik, diseinu- eta komunikazio-lanetan espezializatu naiz lantaldean, baita erakundeentzako ekitaldien akta grafikoak burutzen ere.
Nire lanari dagokionez, pertsona eta taldeen arteko komunikazioa errazteko Hizkuntza Bisuala aplikatzea da gustukoen dudana.
Andrés Espinoza
Venezuelan jaio nintzen, eta Gizarte Komunikazioan eta Ikus-entzunezko Kazetaritzan lizentziatu nintzen.
Urte batzuk geroago Euskal Herrira joan nintzen.
IKUS-ENTZUNEZKO ERREALIZADOREA naiz, bideoak grabatu, editatu eta mugimenduan dauden grafikoekin osatzen ditut. Musikari afizionatua ere banaiz, eta nire lanean, ikusmenean arreta jartzeaz gain, arreta handia jartzen diot soinuari.
Perfekzionista eta sortzailetzat dut neure burua, eta, batez ere, bat gehiago naiz taldean, Muxote Potolo Bat eta Miryam Artolaren ideiei eta marrazkiei mugimendua emanez, haien mezuak are urrunago irits daitezen.
www.hezimubi.eus
Marta Liarte
Bartzelonan jaioa eta Bilbon bizi dena, Arte Ederretan lizentziaduna naiz EHUn eta, ondoren, Diseinu Grafikoko eta Web Diseinuko ikasketak egin ditut, besteak beste.
Muxoterekin elkarlanean hasi nintzen aspaldi, eta zorte handia da proiektuak elkarrekin egin ahal izatea. Nire lana web-diseinuarekin eta -garapenarekin lotuta dago, bai barne-proiektuetan, bai kanpo-proiektuetan.
Diseinua informazioa modu erraz eta eraginkorrean erakusteko moduari irtenbidea emateko modu gisa ikusten dut. Muxoterekin batera, mundua ikusteko duen modu bereziak eta estetika propio eta paregabeak aberasten dute.
https://martaliarte.biz /
Gure zerbitzuak interesgarriak iruditzen zaizkizu?
Hemen topa dezakezu guri buruzko eta egiten dugunari buruzko informazio gehiago:
Si no lo veo, no me muevo | Miryam Artola | TEDxVitoriaGasteiz 2022
Summary of Bilbao 2022 Visual Thinking Global Summit